O alcalde de Narón e candidato de Terra Galega á reelección, José Manuel Blanco Suárez, actuou onte de mestre de cerimonias na inauguración do local de campaña desta formación política, que está situado na estrada de Castela, nas inmediacións do consistorio.
O acto contou coa presenza dos edís do goberno naronés e de integrantes de TEGA en Neda e Ferrol.

Blanco asegurou que a situación do partido en Narón é moi boa, "con unha unidade total en defensa da ideoloxía e do traballo que realiza o grupo municipal, e neste camiño seguiremos coa idea de revalidar a maioría nas próximas eleccións ou incluso de retomar a maioría absoluta".

A formación Terra Galega de Carballo, que lidera Manuel Andrade, traballa nun plan de creación de «pleno emprego», para levar a cabo a partir do próximo mandato (e sempre que os resultados electorais lle sexan favorables).
Segundo os seus proxectos, poderían xerarse 3.500 empregos en catro anos. Neste proxecto, o polígono de Bértoa xoga un papel esencial, pero tamén as medidas para o asentamento de empresas.

La Voz de Galicia | 05/08/2010

Nas comarcas de Soneira e Fisterra non prevé presentarse en todos os municipios

Terra Galega quenta motores na Costa da Morte de face ás eleccións municipais de maio do 2011. Polo momento ten confirmadas as candidaturas de Carballo, Coristanco, Laxe e Malpica, pero «hai contactos en Ponteceso e en Cabana» e espérase contar co equipo dos últimos comicios na Laracha.

O portavoz de Tega en Carballo, Manuel Andrade, que exerce tamén como coordinador comarcal, explicou que o obxectivo é presentarse nos sete concellos de Bergantiños.

O aforo do auditorio municipal -asistiron 500 persoas- quedou onte pequeno para acoller a todos aqueles veciños que quixeron acompañar a Xosé Manuel Blanco, rexedor local de Narón, no día en que Terra Galega o presentaba oficialmente como candidato á Alcaldía nas eleccións municipais de 2011. O Secretario Xeral da formación, Xermán Tobío; o presidente do partido, Pablo Padín; e os alcaldes de Neda e Valdoviño, Ignacio Cabezón e Isabel Álvarez, respectivamente, xunto con edís da formación na comarca, quixeron arroupar ao seu compañeiro nun acto repleto de afiliados, simpatizates de TEGA e veciños do municipio, resaltando a súa valía e confianza para lograr a Alcaldía no ano 2011.

José Manuel Blanco: «Non teño nada que ver con Gato nin co seu carisma»

Conta con «sacar aos veciños do abstencionismo» coa previsión de «manter a alcaldía» nas víndeiras eleccións municipais

Transcorrido xa o seu primeiro ano como rexedor de Narón, dende que Xoán Gato deixara nas súas mans a alcaldía para concorrer como candidato de Terra Galega ás eleccións autonómicas do 2009, José Manuel Blanco (57 anos) preséntase hoxe publicamente como candidato ás vindeiras municipais (Pazo da Cultura, 20:30 horas), despois de ser elixido polo partido como a persoa que encabezará as listas en Narón. 

Diario de Ferrol | 24/03/2010

O actual alcalde de Narón, Xosé Manuel Blanco, será novamente o candidato á Alcaldía de Narón. Así se determinou nunha asemblea celebrada hai uns días polo equipo de Terra Galega, no que se presentou unicamente a mencionada proposta. O nomeamento refrendarase nunha nova reunión que TEGA fixou para o vindeiro día 9 e que terá lugar no local que a agrupación ten no barrio da Solaina.

La Voz de Galicia | 15/01/2010

Terra Galega de Carballo prepara a súa estratexia política para os próximos meses. A formación que lidera Manuel Andrade Cristóbal está a pechar a composición dos seus equipos de traballo por áreas e por barrios, e destaca a «enorme receptividade» que está a atopar cara ao seu proxecto.