Desde Terra Galega apoiamos  a todos os traballadores das empresas afectadas, aos autónomos e aos habitantes das vilas gravemente danadas pola decisión do goberno,  así como as medidas que estimen oportuno tomar para presionar ao executivo do Sr. Zapatero co fin de anular a súa decisión ou, como mínimo, artellar medidas en beneficio das empresas, os traballadores e as vilas afectadas.

O alcalde de Narón e candidato de Terra Galega á reelección, José Manuel Blanco Suárez, actuou onte de mestre de cerimonias na inauguración do local de campaña desta formación política, que está situado na estrada de Castela, nas inmediacións do consistorio.
O acto contou coa presenza dos edís do goberno naronés e de integrantes de TEGA en Neda e Ferrol.

Blanco asegurou que a situación do partido en Narón é moi boa, "con unha unidade total en defensa da ideoloxía e do traballo que realiza o grupo municipal, e neste camiño seguiremos coa idea de revalidar a maioría nas próximas eleccións ou incluso de retomar a maioría absoluta".

O PP segue a tentar enganar aos cidadáns, botando cortinas de fume e eludindo responsabilidades co fin último de agochar a total paralización que sufre a Xunta de Galicia.