Deberíamos de absternos, pois TERRA GALEGA sendo a cuarta forza política de Galicia non foi convidada a ningunha das reunións mantidas sobre este asunto de tanta importancia.

Agora ben, como temos a oportunidade de participar neste debate, no noso concello, a POSTURA DE TEGA sobre o asunto é a que segue:

TEGA uniríase ao Manifesto Galicia Ten Dereito sempre que se recolla nas mocións o seguinte texto:

1. Que se diriman as responsabilidades dos cargos directivos das entidades, que permitiron que se chegara a esta situación.

2. Que se garantan os postos de traballo, acudindo á prexubilación cando sexa posible e sempre mantendo o 100% do salario, para que non resulte traumática.

3. Que a entidade resultante da fusión garanta que os fondos de inversión que hai hoxe en día en Galicia se manteñan.

4. Que se revisen os soldos dos altos cargos e se aprobe unha normativa que estableza as contías das retribucións que poderán percibir.

5. Que a obra benéfica e social destas entidades sexa máis realista e axeitada aos tempos en que vivimos, á hora de determinar as prioridades e os colectivos beneficiados.

Galicia, 14 de febreiro de 2010